” الدّنيا و الكلام المرزي ” كلمات باللّهجة التّونسيّة للفنّان التّونسيّ الكبير محمّد فوزي معاوية و رسومه (أنجزت في مطلع الثّمانينات)

شطهاتها لا رقص ولا غناء
رقداتها لا منام و لا هناء
اذا افهمتها…سحرها و الخنار
لا تتعالى و ما توطاش
النغرة و حساب الياطاش
كول الغلة شم الفلة تشفى العلة و نضرب لوتار
ليل مع انهار
حبيتها شقف و سلعة
عنقت و اركبت كما جاء
عشقت و ما ريت بلاء
بحور اتهز و تحط
تدي ما ترد …تملى و تفرغ
آش بيك و آش بيها
مشدودة ليك و مربوط فيها
لازم تتخمر…تعمل شاطح باطح…تتناطح
اتقمر…
حديث الغافل يحفتر لعمار
خرايب مين غير آثار
لهواء المعكوس ما يدز مراكب
حديثهم من لمخارج يتساكب
لكلام لمرصع لا نكهة و لا بنة
السكات مساربه جنة

في ساق ما عرفت كنة
تتهرى حافية…لقلوب جافية
لعقول طافية
سايرة ليام خالية

 
و بينا ماهي مبالية ( محمد فوزي معاوية 1980)

اضف رد

لن يتم نشر البريد الإلكتروني . الحقول المطلوبة مشار لها بـ *

*